" ကျနော်နှင့် Sin-glish အကြောင်းတစ်စေ့တစ်စောင်း "

အင်္ဂလိပ်လူမျိုးတွေ ပြောတော့ " English " ။ စင်ကာပူလူမျိုးတွေ ပြောပြန်တော့ " Sin-glish " တဲ့။ ကိုယ်တွေ မြန်မာလူမျိုး ကြပြန်တော့လည်း " မြန်-glish " ပေါ့။ အိမ်ကမိဘတွေကလေ သူတို့သားကို အင်္ဂလိပ်ကားထဲက အာမော(လူဖြူ) တွေလို ထင်နေကြတာ ခက်တယ်။
" အင်္ဂလိပ်စကားတွေ ကျွမ်းနေပြီပေါ့ " တဲ့။ မေးနေတာမျိုးလည်း မဟုတ်ဘူး။ တစ်ခါတည်း အခိုင်အမာ စွပ်စွဲလိုက်တာမျိုး။ တစ်ကယ်ဆို ဒီကသားလေးက အင်္ဂလိပ်စကားပြောဆို ပြောင်းပြန်နဲ့ အတိုကောက် တွေပဲတတ်တော့တာ။ တစ်ခါတစ်လေ အမှန်ပြောမိရင်တောင် ရှက်မိသလိုလို ခံစားရတယ်။
U know what I mean?

ရောက်စက အထာမသိပဲ " Yes,Sir.I would like to explain regarding about the....." ပြောမိလို့ Supervisor ကစိတ်မရှည်တဲ့ အကြည့်နဲ့။ ခုဆိုလေ ချက်တင်ဆိုလည်း အင်္ဂလိပ်လို တစ်လုံးမှတောင် မပြောကြတော့ဘူး။ " ဘိုင်ဘိုင် "၊ " ဂွတ်နိုက် "၊ " အိုကေ " အဲလိုဘိုလိုလေး တန်းရေးလိုက်ကြတာ။ မှတ်မိသေးတယ်။ စလုံးမလာခင် လှည်းတန်းမှာ စပီကင်သင်တန်းတွေ ဟိုပြောင်းတက်၊ ဒီပြောင်းတက်နဲ့။ ပိုက်ဆံတွေဆိုတာ အလကားရတိုင်း ဖြုန်းနေခဲ့တာ။ သင်တန်းမှာ ရည်းစားတောင် ထားလိုက်သေးတယ်။ ပိုက်ဆံကုန်တာက လှည်းတန်းတစ်ဝိုက် ရှိရှိသမျှဆိုင်တွေ လိုက်စားလို့လေ။ ရှင်းရတာလည်း နှစ်ယောက်စာမလား။ ပိုကုန်တာပေါ့။ မှတ်မိသေးပါတယ်။ နင်စားတာ နင်ရှင်း၊ ငါစားတာငါရှင်းမယ် ပြောလိုက်မိလို့ ရည်းစားနဲ့ပြတ်ခဲ့သေးတယ်။ ကိုယ့်မိဘဆီက လက်ဖြန့်တောင်းပြီး ပိုးကြေးပန်းကြေးတွေက ၀ဋ်လိုက်မှာတောင် ကြောက်မိတယ်။ အော် ငါ့နှယ်ဘုန်းကြီးတရား ဟောသလိုဖြစ်ကုန်ပါပြီ။ ဋီကာချဲ့တာ ပြောပါတယ်။

လိုရင်းပြန်ကောက်ရရင် စလုံးလာဖို့ လေယာဉ်ပျံကြီးစီးတော့ အင်္ဂလိပ်စကားတွေ စီနေလိုက်ရတာ။ ငါ အင်မီဂရေးရှင်း မှာဘာတွေကို ဘယ်လိုပြောမယ်။ သူတို့ကဒီလိုမေးလာရင် ငါကဒီလိုလေး ပြန်ဖြေလိုက်မယ်။ တစ်ယောက်တည်း မေးခွန်းနဲ့အဖြေတွဲထားလိုက်တယ်။ တစ်ကယ်လည်းရောက်ရော ဘာမှသိပ်မမေးပါဘူး။ ကိုယ်ကလည်း ကိုယ်စီလာသမျှ ခရားရေလွတ် ပြောပစ်လိုက်တာ။ " Yes, I come for a visit. My friend is now waiting outside for me. They r working here........." ကျက်လာတာ တောင်မဆုံးလိုက်ပါဘူး။ သူကလည်းကိုယ်ပြောတာ သေချာတောင်နားလည် လားမသိပါဘူး။ သူ့ဘာသာ တုံးထုစရာထုပြီး " OK! U can go now. " ဒါပါပဲ။ သိပ်ရင်မခုန် လိုက်ရပါဘူး။ မှန်းချက်နဲ့ နှမ်းထွက်မကိုက် ဆိုတာဒါမျိုးနေမှာ။ ကိုယ့်လောက်အပူအပင် မထားတဲ့အတူလာ ဘော်ဒါကတော့ ထစ်ထစ်ငေါ့ငေါ့နဲ့ပါပဲ။ သူ့ကျမေးလိုက်တာ စုံနေတာပဲ။ တော်တော်နဲ့ကို သူ့ခမျာ မပြီးနိုင်ဘူး။ လာတုန်းကတည်းက သူ့ကိုတိုက်တွန်းသေးတယ်။ စာကျက်ထားဖို့ကို သူကနားမထောင်ဘူး။ ဒါနဲ့ပဲတစ်လအတွင်း အလုပ်အသဲအသန် ရှာကြတယ်ဆိုကြပါစို့။
As U know!

ရောက်လျှင်ရောက်ခြင်း စသိတာက Walk-in- interview တဲ့။ မြန်မာပြည်မှာတုန်းက မသိခဲ့ဘူး။ ဒီလိုအင်တာဗျူး အကြောင်းကို။ ကျနော့်ရဲ့ လျှို့ဝှက်ချက်ပြောပြရအုန်းမယ်။ အင်္ဂလိပ်စာကြောင်းတွေကို စာရွက်မှာမျိုးစုံနေအောင် အရင်ချရေးထားလိုက်တယ်။ ပြီးရင်သတင်းစာမှာပါတဲ့ ဖုန်းနံပါတ်ကို ခေါ်တယ်။ ဟိုဖက်ကကိုင်လိုက်တာနဲ့ " Good Morning,Sir. I would like to inquiry for the position of ..............I want to come for walk- in- interview......" စသဖြင့် ကိုယ်ရေးထားတဲ့ အထဲက ပလွတ်ပလွတ် နဲ့ ရွတ်ပြလိုက်တယ်။ သူမေးတာတောင် သိပ်မစောင့်နိုင်ဘူး။ နားလည်းသိပ်မလည်ဘူးလေ။ အဲဒီကတည်းက ရင်းနှီးသွားစေတဲ့ စကားလုံးက " R u Singaporean or PR.? " . အဲဒါတော့ ကောင်းကောင်းအဓိပ္ပာယ် သိတယ်။ ဒီလိုမေးခွန်းမျိုးပါရင် ငါအလုပ်လျှောက်လို့ မရဘူးဆိုတာပဲ။ အင်တာဗျူးသွားလို့ လမ်းမသိရင် " MRT where " အဲလိုမေးတဲ့ သူငယ်ချင်းက သင်ထားပေးတာနဲ့ ဟန်ကျလိုက်တာ။ အဲဒီတစ်လုံးက တော်တော်အသုံးဝင်တယ်။ ဗိုက်ဆာရင် ဘာမှာစားလို့ စားရမှန်းမသိတာ အဆိုးဆုံးပဲ။ ဓါတ်ပုံထဲက ပုံတွေကိုဘယ်ဟာကို This One နဲ့ That One လုပ်ရမလဲ စဉ်းစားနေတာက နာရီဝက်ကြာတယ်။

ကံကြမ္မာအလှည့် အပြောင်းကြောင့် ဘမောင်အလုပ်တစ်ခု ရခဲ့တယ်။ အလုပ်ထဲရောက်တော့ အင်္ဂလိပ်စကား မပေါက်မှာကို တော်တော်စိတ်ပူ ခဲ့ရတယ်။ ဒါပေမယ့် အရင်ကထက် ပြောရဲဆိုရဲ ရှိလာခဲ့တယ်။ တစ်ခုခုဆို သူဌေးနဲ့ " Can? " " Cannot? " အချေအတင် ငြင်းရဲလာခဲ့တယ်။ တစ်ခါတစ်လေ လည်းသူဘာပြောပြော " Yes, understand." ပြောပစ်တာပဲ။ နောင်ကိစ္စနောင်ရှင်း။ သူဌေးမျက်နှာ မိုးလေ၀သကလည်း ကြည့်ရသေးသကိုး မလား။ အမြဲတမ်း သူ့မျက်နှာက တိမ်မဲတွေလို ညိုနေတာပဲ။ အချင်းချင်းတော့ Black Colour လို့လက်တို့ ကြတယ်။ ရောက်စမှာပဲ သူဌေးကဖုန်းဆက်လိုက်လေ ဘာတွေ၊ ဘာတွေပြောပစ်လိုက်တဲ့။ ဟင်!!! ဘာတွေနောက်ထားပါဦး။ ဖုန်းဆက်လို့ တစ်ဖက်ကကိုင်ရင် " I would like to talk? I want to speak? Can I speak to....? " အဲတစ်ကြောင်းကို အရင်စဉ်းစား ရသေးတာ။ နောက်မှပြောချင်တာကတော့ အေးဆေးပါ။ စက်သေနတ်လို ဆွဲလို့ရတယ်။ စာရွက်ကြည့်ပြောတာပဲ ဘယ်သူသိတာ မှတ်လို့လေ။ ဖရိုနောင်ဇေးရှင်းကတော့ ဖုန်းထဲမှာ နားထောင်ကောင်းအောင် လျှာမလိပ်ပဲပြောတတ်တယ်။ အဲလူချင်း မျက်နှာချင်းဆိုင်ရင် ဘာဖြစ်တယ်မသိဘူး။ ရင်ထဲက စကားလုံးတွေက ရှက်တတ်နေလိုက်တာများ ထွက်ကိုမလာတော့ဘူး။ ဒေါသများထွက်လာရင် ရေငုံနှုတ်ပိတ်ပါပဲ။ ရင်ဘတ်ထဲ စာစီနေတာနဲ့တင် ဟိုဖက်ကလူတောင် စိတ်မရှည်တော့ဘူး။ အင်္ဂလိပ်ကားထဲလို ပဲကိုယ်က ဆဲတတ်တာဆိုတော့ ဒေါသကိုမြိုသိပ်ထား ရတာလည်း ခဏခဏပါပဲ။

နောက်တစ်လုံးက မေးခွန်းတိုင်းရဲ့နောက်မှာ " ? " ကိုမြန်မာလို " လား " လို့သာပြောပေး။ ဒါဆိုမေးခွန်းမေးတာ အထမြှောက်တယ်။ ရှေ့စာလုံးတွေ ကြိုက်တာပြော မေးခွန်းမှန်းသိအောင် "လား" လို့သာအဆုံးသတ်ပစ်လိုက်။ ဥပမာ စလုံးလေသံနဲ့ဆို- U already Finished ?(လား) ဆိုလူတိုင်းပေါက်တယ်။ U know wt I mean ဆို I know wt U mean ပေါ့။ အဲဒါပေမယ့်
Wt I mean, U know? ဒါမျိုးလည်း ရှိသေးတယ်နော်။ အရမ်းခေတ်စားတာ ရှိသေးတယ်။
" Just "တဲ့။ ခုလေးတင်ပဲဖြစ်ဖြစ်၊ ခုချက်ချင်းပဲဖြစ်ဖြစ်၊ စောစောကတည်းကပဲ ဖြစ်ဖြစ် သုံးပစ်လိုက်။ အားလုံး Understand ပဲ။ နောက်တစ်ခုက Already လား၊ Ready လား ခွဲတောင် မခွဲတတ်တော့ဘူး။ " Have U send E-mail?" ဆို " Yes, already finished." or " Finished ready " or " No, haven't." ဒီအဖြေတွေက အသုံးအ၀င်ဆုံး။

တရုတ်တိုင်းပြည်လို ဖြစ်နေတော့လည်း အင်္ဂလိပ်နဲ့ မက်ဒရင်းရော ညှပ်ပြောတာလဲ ရှိသေးတယ်။ ဥပမာ- " ပုကျိုက်.. He already left for lunch " " U saw me? မဲလ်.." " I already told U လေ.." ။ သူ့အရပ်နဲ့ သူ့ဇာတ်ဆိုတာ မှန်လိုက်တာ။ ကိုယ်တွေမြန်မာအချင်းချင်း ကြတော့တစ်မျိုးလေး။ အမျိုးချစ်တာကတော့ "ဟယ်လို ဂွတ်မောနင်း " လို့ကြားလိုက်ကတည်းက " မြန်မာလားမသိဘူးနော် " တဲ့။ ဘာမှမပြောခင်ကတည်းက သိနေပြီ။ တစ်ခါက ဈေးဝယ်တော့ " Any different ? " လို့မေးမိတော့ " This one is....That one is...."လို့ဖရိုနောင်ဇေးရှင်း
ကောင်းကောင်းနဲ့ ပြန်ဖြေတယ်။ သိတယ်လေ။ အချင်းချင်းတွေပဲ။ မြန်မာလား မသိဘူးနော်ဆိုတော့ " ဟယ် မျက်နှာမကြည့်မိလိုက်ဖူး" တဲ့။ ဘာမှလည်း ဆိုင်ဝူး။ တစ်ချို့လည်း တော်တော်အီးကောင်း ကြပါတယ်။ ဘော်ဒါတစ်ယောက် တစ်ဖက်ကနဲ့ အလုပ်ဖုန်းပြောနေရင်း သူ့ဟန်းဖုန်းက
" ကိုကိုရေဖုန်းလာနေတယ် " အသံကြားမှ အချင်းချင်းသိကြတယ်တဲ့။ ကိုယ်တွေနဲ့များ ကွာချက်နော်။ ပင်နီဆူလာမှာ ဆံပင်ညှပ်ရင် " .....ကြီး " ကအရမ်းကိုင် တာကြမ်းလို့
( သူ့ဆိုင်ဆံပင်ညှပ်အောင်ဆွဲခေါ်တာပါ ) စလုံးဆိုင် မှာညှပ်ဖြစ်တယ်။ Short? Long? Medium? ဒီလို အမြဲမေးတယ်။ ကိုယ်ကလည်း အင်တာနေရှင်နယ်ဘာသာနဲ့ " Like that " လေးဆိုပြီး သံယောင်ဖမ်း ပြောရတာပါပဲ။ ညှပ်နေတုန်းကို အမြဲပဲ မျက်စိမှိတ်ထား လိုက်တယ်။ ပြီးပြီဆို မျက်လုံးဖွင့်လိုက် ကိုယ်လိုချင်တာနဲ့ တစ်လွဲပဲ။ အရမ်းတိုသွားလို့ ဆံပင်တွေပြန်ဆက်ပေး လည်းမပြောရဲဘူးလေ။ ဒါပေမယ့် " Wash? " ဆိုခေါင်းလည်း မwash ဘူး၊ faceလည်း မwash ဘူး။ ပိုက်ဆံတွေမတန်မရာ တောင်းမှာသိလွန်းလို့။ အတူနေတဲ့ အိမ်ရှင်အဘွားဆို ဆံပင်သွားညှပ်ရင်
" Very very short " တဲ့။ သူအဲဒါပြောတတ်တယ်။

စပီကင်ကို ဘယ်လိုကျင့်လဲ ပြောပြအုန်းမယ်။ လိုက်လုပ်ဖို့တော့ မတိုက်တွန်းပါဘူး။ Star hub က Customer Serviceကို အကြောင်းမဲ့ သက်သက်ခေါ်တယ်။ Press one ကိုနှိပ်တယ်။ ဟိုဟာတွေလိုက်မေး၊ ဒီဟာတွေလိုက်မေးပေါ့။ ဖြေချင်မဖြေချင် သူတို့အလုပ်မလား။ ဘယ်Customer Service ကလူမဆို ခရားရေလွတ် ပြောတတ်ကြတယ်။ ပြောနေကြလည်း ပါမှာပေါ့လေ။ တစ်ခါက ဖုန်းလေးပျက်လို့ " hello excuse me! " ဆိုပြီးသွားပြင်တာ ပြောခဲ့လိုက်တာများ နောက်ဆုံး " U must switch-off around ten minutes.." ဆိုလား ဒါပဲသိလိုက်တယ်။ သူ့ကိုသနားလိုက်တာ ဆိုတာ မပြောပြတတ်ဘူး။ ရောက်စက လူက ကြောက်ပါတယ်ဆို ဟိုဟိုဒီဒီသွားရင် Survey ကောက်တာလား၊ Insurance လား၊ တစ်ခါတစ်ခါ ဘာကြော်ငြာမှန်းတောင် မသိပါဘူး။ လူကိုရှေ့က ကန့်လန့်ကြီး ပိတ်လို့။ ခုဆိုအေးဆေးပဲ။ မြင်တာနဲ့ သူတို့ကျောဘက်ကနေ သွားလိုက်တယ်။ တစ်ခါကလည်း ဘယ်Fitness Center ဆိုလား ဖုန်းဆက်တာ။ ကိုယ်ကလည်း အီးလေ့ကျင့်ချင်တာနဲ့ အတော်ပဲပေါ့။ သူလည်း အားပုံထောက်ပါတယ်။ ဖုန်းဆက်တာ အကြိမ်ပေါင်းမနည်းပါဘူး။ Incoming Call ဆိုတော့ ကိုယ်လည်းအေးဆေးပဲပေါ့။ "Never mind" ပဲ။ သူအာညောင်းရင် ဖုန်းချသွားလိမ့်မယ်။ ခုလိုဘာညာ သာဓကာ ပြောနိုင်လာတာလည်း သူတို့ကိုကျေးဇူးတင်ရမယ်။

ဘာပဲဖြစ်ဖြစ်ပါ။ နောင်လာနောက်သားတွေကို ကိုယ့်လိုမဖြစ်အောင် ရေးမိတာပါ။ အိုကေလား ( ok? ) ။ ဖေ့ဘွတ်တွေမှာ အင်္ဂလိပ်လို ထိုင်ကရိုင်းကျကျလေး မက့်ချင်ရင်သူများဟာတွေ ကိုများများဖတ်။ ပြီးရင် ဟိုတစ်ယောက် ရေးတာကို ဒီတစ်ယောက်ရေးတာနဲ့ဆက်ပြီး စာလုံးဆန်းဆန်းလေးတွေ လျှောက်ထည့် လိုက်ပေါ့။ အင်္ဂလိပ် လားရင့် တွေလည်းပေါမှပေါ။ So Easy!! ဘတ်ဒေးWish ဆို Google မှာရိုက်ပြီး ကော်ပီကူးပစ်။ သြော် -ကျနော့်လိုလိုက်မ လုပ်ပါနဲ့လို့ ပြောပြတာပါ။

" လူဆိုတာ ကိုယ်ပိုင်အရည်အချင်း သာလျှင်ပဓာန ကျတာပါ။ "

Understand?
Ok.That's all. Finished ready. Now I m so hungry. Just go for dinner. Bye!

ဖန်နေ၀န်း

" တို့အလံ "

ကျွန်တော်တို့ကျောင်းရှေ့ရှိ အလံတိုင်တွင် ကျောင်းဖွင့်သည့်နေ့တိုင်း နိုင်ငံတော်အလံကို လွင့်ထူထား ပါသည်။ နံနက်ကျောင်းမတက်မှီ ဆရာ/ ဆရာမများနှင့် ကျောင်းသူကျောင်းသားများက ထိုအလံကို အလေးပြု ကြပါသည်။ ကျောင်းတက်ခေါင်းလောင်း ထိုးသောအခါ ကျောင်းသားများသည် အလံ၏ ရှေ့တွင် အတန်းလိုက် တန်းစီကာ ငြိမ်သက်စွာ ရပ်နေကြပါသည်။ ထို့နောက် နိုင်ငံတော်အလံကို အလေးပြုရန် ဆရာကြီးက အမိန့်ပေးလိုက်သောအခါ အားလုံးကညီညွှတ်၍ အလေးပြုကြပါသည်။ နိုင်ငံတော်အလံတွင် အောက်ခံအရောင်မှာ အနီရောင်ဖြစ်ပါသည်။ လက်ဝဲဘက် အထက်ထောင့်၌ အပြာရောင် လေးထောင့်ကွက် ခံထားပါသည်။ ထိုအပြာရောင်ထဲတွင် စပါးနှံနှင့်စက်သွားကို အရွယ်တူ ကြယ်ဖြူ ၁၄ လုံးက ၀န်းရံလျက်ရှိသည်။

စပါးနှံသည် တောင်သူလယ်သမားများအတွက် အမှတ်အသား ဖြစ်ပါသည်။ စက်သွားသည် အလုပ်သမားများ အတွက် အမှတ်အသား ဖြစ်ပါသည်။ တောင်သူလယ်သမားများနှင့် အလုပ်သမားသည် နိုင်ငံတော်တည်ဆောက်ရေး၏ အခြေခံလူတန်းစားများ ဖြစ်ပါသည်။

အရွယ်တူကြယ်ဖြူ ၁၄ လုံးသည် ပြည်နယ်နှင့်တိုင်း ၁၄ ခုတို့၏ တန်းတူညီတူ ရှိမှုနှင့် စည်းလုံးညီညွှတ်မှု ဟူသော အဓိပ္ပာယ်ကိုဆောင်ပါသည်။

အလံတော်ရှိ " အဖြူရောင် "သည် သန့်ရှင်းစင်ကြယ်ခြင်း၊ " အနီရောင် "သည် ရဲရင့်ပြတ်သားခြင်း ဟူသော အဓိပ္ပာယ်ကိုဆောင်ပါသည်။

အလံတော်၏ လက်ဝဲဘက်အထက်ထောင့်ရှိ " အပြာရောင် "သည် ငြိမ်းချမ်းခြင်း၊ တည်ကြည်ခြင်း ဟူသော အဓိပ္ပာယ်ကို ဆောင်ပါသည်။

" ကျွန်တော်တို့သည် လွတ်လပ်ရေးကို ထိန်းသိမ်းရန်နှင့် နိုင်ငံတော်အပေါ်တွင် သစ္စာရှိရန် အမြဲသတိရလျက် နိုင်ငံတော်အလံကို အလေးပြုကြပါသည်။ "


ဖန်နေ၀န်း
( ကျနော်တို့ ငယ်ငယ်က သင်ယူခဲ့သော " တို့အလံ " ဒုတိယတန်း မြန်မာဖတ်စာအုပ်မှ တစ်လုံးမကျန် ကူးယူဖော်ပြပါသည်။ အမှတ်တရ သိမ်းထားခြင်း သာလျှင်ဖြစ်သည်။ )

မူရင်းစကမ်များ-
စာကြွင်း။ ကျနော်က ဒါကိုတင်ချင်လို့ မြန်မာပြည်ကို လှမ်းမှာချင်တယ် ပြောတော့ ဘော်ဒါက ကူညီပါတယ်။ ဘော်ဒါက သူ့ညီမကိုနားပူနားဆာ သွားလုပ်တယ်။ ဟိုကညီမက မအားရတဲ့ အထဲ ဒီဒုတိယတန်း ကစာကို ရှာခိုင်းတယ် ဆိုတော့ သူ့အစ်မကို နဲနဲတော့တင်းတာပေါ့။ ဘော်ဒါကလည်း မရမက ချက်ချင်းတောင်းသတဲ့။ သူ့ညီမကလည်း သူတို့နားက ကလေးတစ်ယောက် ဆီအပြေးလေး သွားပြီးငှားရ တော့တာပေါ့။ ဖြစ်ချင်တော့ ကလေးကသုံးတန်းရောက်ပြီတဲ့။ ဒါပေမယ့် အဲဒီကလေးဆီမှာ လက်ကျန်( ရောင်းစားတုန်းက ပါမသွားတဲ့ ) သူ့လက်ရေးနဲ့ ဟာစကမ်ဖတ်ပြီး ပို့ခဲ့ပါလေရော။ အမှန်ခြစ်တွေတောင် ပါလိုက်သေး။ ဟင်!!! လိုချင်တာ ဖတ်စာအုပ်လေ။ ပြန်တောင်းပြန်ရော နောက်တစ်ခါ။ အဲဒီအချိန် မိုးတွေကရွာ၊ လေတွေက တိုက်နေတယ် ဆိုပဲ။ သူ့ညီမခင်ဗျာ သူတို့နားက စာရေးကိရိယာ ဆိုင်ကိုပြေးပြီး ဒုတိယတန်းမြန်မာဖတ်စာအုပ် ကိုမဖြစ်မနေ သွားဝယ်ရပါရောလေ။ ဒီလိုနဲ့ ဘလော့ပေါ်ရောက်လာတယ် ဆိုပါတော့။ ဘော်ဒါကြီးရေ ဒီကနေပဲကျေးဇူး
( မင်းထက်ဟိုကကူညီတဲ့ မင်းညီမလေးကိုပိုပြီး ) တင်ပါကြောင်း။

ဟောဒီမှာ လက်ရေးနဲ့မူရင်းပါ-

" ဘာမဟုတ် ညာမဟုတ် သူပြောပြတဲ့အိတ်အစုတ် "

လောကမှာ " အဖော် " ဆိုတာ အမျိုးမျိုးရှိတတ် ကြတယ်မလား။ ကိုယ်နဲ့သန်ရာ သန်ရာပါပဲ။ ကျမရဲ့ အဖော် " လွယ်အိတ်ကြီး " ကတော့ မရှိလို့ကိုမဖြစ်ဘူး။ လွယ်အိတ်ကြီး ဆိုလို့ငယ်ငယ်ကလို ဘေးသိုင်းလွယ် တာမျိုးတော့ မဟုတ်ပါဘူး။ ကျမက နှုတ်ကျိုးတတ်သူမို့ပါ။ သူက လိင်မပါတဲ့ ကျမချစ်သူ လို့လည်း ဆိုလို့ ရတယ်။ လိုလိုမယ်မယ် ပစ်ထည့်ထားမိတာ ခုတော့စားရင်းစစ် နဲ့တန်းတိုးတော့တာပဲ။ ဘာပဲဖြစ်ဖြစ် ကျေးဇူးတောင် တင်ရမလို ပါပဲ။ ကျမလည်း ပစ္စည်းတွေ စစ်ချင်နေတာ ကြာပါပြီ။ တစ်ယောက်ယောက်ကို ပေးရမယ့်ပစ္စည်းဆို တစ်ခါတည်း လွယ်အိတ်ထဲ တန်းခနဲပစ်ထည့် ထားလိုက်တာ။ တစ်ချို့ဆို မပေးဖြစ်တော့ပဲ လွယ်အိတ်ထဲမှာ ပဲသောင်တင်နေ တတ်သေးတာ။ ဒါတွေက ယာယီထည့်ထားရာကနေ ပြန်မထုတ်မိ တော့တာပါ။ ရေမွှေးမကြိုက်တဲ့ ကျမရဲ့အိတ်ကလေးက ဆေးနံ့တွေနဲ့ ရောပြွန်းနေ တော့တာပဲ။ ကျမက လှလှပပနဲ့ စတိုင်ကျဖို့ထက် လိုချင်တာအားလုံး ထည့်လို့ရတဲ့ ခပ်ကြီးကြီး ဒီအိတ်လေးပဲ ချစ်တယ်။ Nike ကြိုးတိုတိုနဲ့ ကျမရဲ့ အိတ်ကြီးကတော့ ကျမချစ်သူထက်တောင် ကျမနားမှာ အချိန်ပိုပေး ဖြစ်သေးတယ်။ ဘုတ်စုတ်စုတ်နေလေ့ ရှိတဲ့ကျမ လှတပတလေး ပြင်ဆင်မိရင်တောင် လူရယ်ချင်ဖွယ် ဖြစ်ဖြစ် သွားတတ်တာ။ အိတ်ထဲမှာ ဘီးသာပါတာ။ အမြဲလိုလို ခေါင်းစုတ်ဖွားနဲ့ကျမ လွယ်အိတ်ကြီးနဲ့ပဲ ပိုလိုက်ဖက်သတဲ့။ ချစ်သူကပြောဖူးသေးတယ်။

၁။ ထမင်းဘူး(အခွံလွတ်)

၂။ ဒဏ်ကြေ လိမ်းဆေး

၃။ ဒဏ်ကြေလိမ်းဆေး အရည်

၎။ ပလာစတာ
၅။ ထွန်းရှူဆေး

၆။ ရှူဆေးဘူးသေး
၇။ မှန်သေးသေးလေး (သွားကြားညပ်မညပ် ထုတ်ကြည့်ရန်)

၈။ နှုတ်ခမ်းနီ (ကာလာမပါ)

၉။ နှုတ်ခမ်းနီ (Gloss)
၁၀။ ................ တထုပ်

(ရှက်လိုက်တာ)

၁၁။ ရုံးသော့တွဲ

၁၂။ အိမ်သော့တွဲ

၁၃။ အမ်အာတီ ကဒ်

၁၄။ ဘဏ်စာအုပ်

၁၅။ အကြွေစေ့အိတ်

၁၆။ ဘဏ်ဖြတ်ပိုင်းချည်း ဖြစ်ဖြစ်နေတတ်သော ပိုက်ဆံအိတ်

၁၇။ Note book

၁၈။ မမ်မိုရီ စတစ်ခ်

၁၉။ i banking key ပိုက်ဆံတွေတွဲထားသော ကီးချိန်းလေးနှင့်
၂၀။ အနာလိမ်းဆေး အရည် (အမြဲထိခိုက်လေ့ ရှိသော ရှပ်တီးရှပ်ပြာ၏ အလိုအပ်ဆုံးသော အရာ)

၂၁။ hand cream

၂၂။ hand sanitizer

၂၃။ တစ်ရှူး (dry)

၂၄။ တစ်ရှူး (wet)
၂၅။ ဘောပင် ၂ချောင်း

၂၆။ ဘီး ( မဖြီးဖြစ်ပေမယ့် ယူသွားလေ့ရှိတယ် )

၂၇။ ဖုန်းဘေလ်၊ ပီယူဘီ ဘေလ်
၂၈။ စတားဟဘ် စာချုပ်
၂၉။ ထီး

အခုလို နံပါတ်စဉ်တွေ ချကြည့်မှ ကျမပုခုံးတွေ နာနာနေတာ ဒါတွေကြောင့်လို့ တွေးမိလိုက်တယ်။ ရေသန့်ဗူးလိုမျိုး၊ မုန့်(ဘီစကစ် ထုတ်၊လိုလီပေ့ါပ် ) လိုမျိုးတွေ ကိုလည်း အပေါ့စား သယ်သွား သယ်လာ မျိုးတွေတော့ စားရင်းထဲမထည့် တော့ပါဘူး။ မျက်စိမှိတ်နှိက်ရင်တောင် ဘယ်ထောင့်မှာ ဘာရှိတယ်ဆိုတာ အလွတ်ရ နေတတ်တယ်။ ဘာပစ္စည်းမဆို အိတ်ထဲဝင်ပြီးရင် ပြန်မထွက်တတ် တော့ဘူး။ ဒါပေမယ့် အိတ်ထဲမှာ သေချာထည့်ထားတဲ့ ပိုက်ဆံတွေကျတော့ ကျမသတိထား မိလိုက်တဲ့အချိန်ဆို သိပ်မကျန်တော့ဘူး။ ပြောင်တော့မယ်လို့ Notice ပြပြီ။ နှစ်သက်မိလို့ ၀ယ်တုန်း ကတော့ အသစ်လေးပဲ။ အိတ်လေးလည်း ဟောင်းလာသလို ကျမလည်း မွေးနှစ်တွေ မဖော်ပြနိုင် လောက်အောင် သက္ကရာဇ် တိုးလာခဲ့တယ်။ စာရေးသူရယ် ရှင့်နဲ့တွေ့မှပဲ ကျမရဲ့အိတ်လေး တန်ဖိုး ပိုရှိနေပါ ရောလားကွယ်။ ဘာပဲဖြစ်ဖြစ် လွယ်အိတ်ကြီးကို လျှော်လိုက်ဦးမှ။ မလျှော်တာလည်း အတော်ကြာနေပြီ မဟုတ်လား။


ဖန်နေ၀န်း

(စာကြွင်း။ အိတ်အစုတ်ကြီးကို ဘာလို့အမြဲလွယ် နေရတာလဲလို့မေးမိလိုက်တာကနေ စာတစ်ပုဒ် ရေးမိသွားပါတယ်။ ခွင့်လွတ်ပါ ကာယကံရှင်ရယ်။ နောက်ဆို စာရေးသူရှေ့ အသက်ရှူသံတောင် မမှားမိစေနဲ့နော်။ ဘာကြောင့်မှားတယ် ဆိုပြီးရေးမိသွား မှာဆိုးလို့ပါ....:P )

" အိပ်မက်ဆိုး "

လမိုက်ညမှာ
ရေငတ်နေသလို
ဆာလောင်မှုဟာ ပြင်းလွန်းတယ်။

အငန်ဓါတ်တွေနဲ့
ပင်လယ်လောက်ကြီး သယ်မလာနဲ့ ကိုယ့်လူ
ရေချိုတစ်စက် မဟုတ်တောင်
တစ်ဝက်တော့ လုပ်ကွာ။

ဒါမှမဟုတ်
ခံစားချက်ခါးခါး ကိုသတ်ဖို့
တတ်နိုင်ရင် အခါးဆုံးတစ်ပုလင်းပေးကွာ။

သေချာတာက

ငါ့အမြည်းဟာ ချိုနေဖို့မလိုအပ်ဘူး
မရှိရင်လည်း " ဆား " နဲ့ပဲမြည်းမယ်ကွာ။

ဖြေဆေးမရောင်းဘူး
လာမပြောနဲ့
ဆွဲထိုးမိလိမ့်မယ်။

အရေးကြီးတာက
ဒီည
အိပ်မက်ဟောင်းထပ်မမက်ဖို့ပဲ။

ကိုယ့်ဆရာရေ
နောက်တစ်လုံးဟေ့...............

" အေ့ "


ဖန်နေ၀န်း

" အတွေးပိုပို အရေးတိုတို "

(၁)
" တွေ့ရတာ ၀မ်းသာပါတယ် ပြောတော့
မတွေ့ရတာ ၀မ်းနည်းတယ် တဲ့လေ "

(၂)
" ချိန်ခါစိုးလင့်၊ ခွဲကျန်ရစ်လည်း
နှလုံးသားထဲ၊ လွန်းတင်ဆဲမို့
စွဲကျန်လျက်ပါ၊ ကျောင်းတော်ရာ "

(၃)
ငါ
(ငါ့ ) အပင်လို့ မာန်တက်နေမိတာ
တစ်ကယ်တော့ နွယ်ပင်။

(၄)

" အနှောင့်မသွားမလွတ်တဲ့ ကျေးဇူးတရားဆို စောစောကတည်းက မတင်ပါနဲ့။
ကျေးဇူးတင်ပါတယ် "

(၅)

ငါဖြစ်ချင်တာ " စွန် "
ရစ်လုံးမဟုတ်ဘူး
လေမှာပဲ ၀ဲနေချင်တာ
ဒါပေမယ့်
ငါဟာ " စွန်လွှတ်သူ " ။

(၆)
အိပ်မက်သာမက်နေတာ
ညလည်းမဟုတ်ဘူး
" သူ " ညာနေတာပါလား။

(၇)

" အချစ်ဆုံး " တဲ့။ ဆုံးရှုံးလိုက်ရတာ တစ်ဘ၀စာပဲ။

(၈)
မင်းရွာဖူးတဲ့ မိုးက

မိုးပြေးပါ...ငါ့မှာသာ မစဲနိုင်တာ။

(၉)

<<<ကြောင်တောင်တောင်နဲ့ ငါက ကဗျာရွတ်နေတာ ဘာ " ချစ်တယ် " လဲ>>>

(၁0)

" တစ်ကမ္ဘာလုံးအတူတူ သေချင်တယ် "

ဖန်နေ၀န်း

" ဘ၀ဆိုသည်မှာ..."

(၁) သင့်အပြုံးတစ်ပွင့်ဟာ ချစ်စရာ ကောက်ကြောင်းလေးနဲ့အတူ ကွေးညွှတ်နေပါလိမ့်မယ်။
ဒါပေမယ့် အရာရာတိုင်းကို ဖြောင့်မတ်တည်ကြည် မှုတွေပေးစွမ်းနိုင်တဲ့ သဘောဆောင်တယ်။

(၂) ကျနော်တို့ဘ၀မှာမှန်ကန်စွာ နေထိုင်နိုင်ဖို့ လွတ်လပ်မှု (Freedom)ဟာ အရေးပါတယ်။

(၃) လူတစ်ဦးချင်းစီရဲ့ ဘ၀ဟာ ကြီးမားကျယ်ပြန့်တဲ့ အမှန်တရားတွေထဲ ၄င်းတို့ကိုယ်တိုင်
နက်ရှိုင်းမှု အပြည့်နဲ့ နေထိုင်ရှင်သန်ကြရတယ်။

(၄) လူတိုင်းဘ၀မှာ လိုချင်တောင့်တမိတာက စစ်မှန်တဲ့ ပျော်ရွှင်မှုတွေ စဉ်ဆက်မပြတ်
စီးဆင်းနေဖို့ပါပဲ။

(၅) ဘ၀ဆိုတာ ၀ိညာဉ်တစ်ခုကို ရှင်သန်မွေဖွားဖို့ အခွင့်အလမ်း တစ်ခုမျှသာ ဖြစ်တယ်။

(၆) အများအကျိုးအတွက် ရှင်သန်တဲ့ ဘ၀သာလျှင် လုပ်သင့်လုပ်ထိုက်ပြီး အဓိပ္ပါယ်ရှိတဲ့
ဘ၀ဖြစ်စေတယ်။

(၇) အကယ်၍ လောကကြီးကသင့်ကို အရည်ရွှမ်းတဲ့ အသီးပေးခဲ့မယ်ဆို အကျိုးရှိရှိ
ထုတ်ယူသုံးစွဲနိုင်အောင် လုပ်ဆောင်ပါ။

(၈) ဘ၀ကို လိုလိုလားလား ရွက်လွင့်နေသူသာလျှင် အဓိပ္ပာယ်ရှိတဲ့သူ ဖြစ်နိုင်တယ်။

(၉) လောကကြီးကို အမြဲတမ်းကောင်းတဲ့ ဘက်ကကြည့်ပေးပါ။

(၁၀) ဘ၀ဆိုတာ တန်ဖိုးရှိစွာ ရှင်သန်နေထိုင်ဖို့ လိုအပ်သလို သင့်ယုံကြည်မှုတွေဟာလည်း
အမှန်တရားကိုဖန်တီးပေးနိုင်ဖို့ ကူညီနိုင်ပါလိမ့်မယ်။

(၁၁) တစ်ကယ်လို့ ဘ၀ခရီးလမ်းဟာ လှပဖြောင့်ဖြူး နေခဲ့မယ်ဆိုရင် ဘယ်နေရာ၊ ဘယ်အချိန်ထိ
ဦးတည်သွားမှာလဲ ဆိုတာကျွန်တော်တို့ကိုယ်တိုင် မမေးကြပါနဲ့စို့။

(၁၂) အဆုံးသတ်မှာ သင့်ရဲ့ လုပ်ဆောင်မှု၊ တာဝန်တွေအတွက် ဘ၀ကို ဖြတ်သန်းလာခဲ့တာ
မဟုတ် ဘူး။ သင်ဖြတ်သန်းလာခဲ့ခြင်းသာလျှင် " ဘ၀ " ဖြစ်တယ်။


တစ်ခါတစ်လေလည်း ဘ၀ဆိုတာကို ရိုးရိုးလေး ဘာသာပြန်ချင်မိသည်။ ရိုးရိုးလေးတွေးပြီး ဆန်းဆန်းလေး ရေးချင်မိသည်။ လှလှပပ စာသားတွေတွေထဲ အဓိပ္ပာယ်နှက်နှက် လေးတွေး စေချင်သည်။ အနုပညာဆန်လှတဲ့ စာရေးခြင်းအနုပညာ ဟာသိမ်မွေ့ပြီး နက်ရှိုင်းလွန်းလှပေသည်။ လူတိုင်းသည် စာရေးတတ်ကြ၏။ စာရေးသူသည် စာဖတ်အားနည်း၍ စာရေးမတော်သော
" စာရေးသူ " မျှသာဖြစ်သည်။ စာရေးသူ ဘာသာပြန်မိသော " ဘ၀ဆိုသည်မှာ..." သည် ပတ်ဝန်းကျင် တွင် မြင်တွေ့သမျှကို ဥာဏ်စွမ်းရှိသ၍သာ ဖော်ပြထား ခြင်းဖြစ်၏။ မူရင်းစာသားများမှာ တစ်ပိုင်းတစ်စ များသာဖြစ်၍ မဖော်ပြတော့ပါ။


ဖန်နေ၀န်း

" အချစ်ညီမျှခြင်းလမ်းခွဲ "

(၁)

သူမနာမည် သီရိမြတ်လင်း။

လူတွေက သူမကို သီရိလို့ပဲခေါ်ကြတယ်။ ဒါပေမယ့် ကျနော်က " မြတ်လင်း " လို့ သူမအဖေနာမည်နဲ့ တပ်ခေါ်တယ်။ သူမနှင့် ကျနော်က ကုမ္မဏီတစ်ခုမှာ လုပ်ဖော်ကိုင်ဖက် အနေနဲ့ တွေ့ခဲ့ကြတာပါ။ ၀န်ခံရရင် သူမကိုမြင်မြင်ချင်း ရင်ခုန်ခဲ့မိတယ်။ မှတ်မှတ်ရရ သူမနဲ့စသိတဲ့နေ့က အ၀ါရောင် အင်္ကျီလက်ပြတ် နဲ့အလှကြီးလှနေခဲ့တယ်။ အဲဒီနေ့က သူမရုံးကို နောက်ကျမှ ရောက်ခဲ့တယ်။ ခမန်းကတန်း ၀င်လာတဲ့သူမ တစ်ပိုင်းတစ်စ မိုးတွေလည်းရွှဲလို့။ သူမရဲ့ကပိုကရိုအလှကို ငေးနေမိတာ မျက်တောင်ခတ်ဖို့မေ့ပြီး မျက်ရည်တောင် ၀ိုင်းလာခဲ့တယ်။ သူမခါချလိုက်တဲ့ မိုးရေတစ်စက် ဖျတ်ကနဲ မျက်လုံးထဲဝင်သွားမှ ဆူးကနဲအကြည့် ရပ်သွားခဲ့တော့တယ်။ မျက်လုံးခတ်လိုက်တော့ ကျနော်မျက်ရည် ကျသွားခဲ့တယ်။ အံ့သြစိုးရိမ်တစ်ကြီး နဲ့လှမ်းကြည့်လာတဲ့ သူမကိုမျက်နှာချင်း ဆိုင်ဖို့ တော်တော်လေး ရှက်သွားခဲ့တယ်။ သူမက ကျနော့်ထက် နှစ်နှစ်သာသာ ငယ်ပေမယ့် နင်နဲ့ငါ ပဲသုံးတယ်။ ကံကောင်းချင်တော့ ကျနော့်ဘ၀မှာ ရင်ခုန်ဖူးတဲ့သူနဲ့ တွေ့ခဲ့ရတယ်။ ဒါပေမယ့် ကံဆိုးချင်တော့ သူမမှာ ချစ်သူရှိနှင့် နေခဲ့တယ်။ ကျနော်က သူမရဲ့ ဒုတိယချစ်သူ ဖြစ်လာခဲ့တယ်။ ဘ၀မှာ အနည်းဆုံးတစ်ခါတော့ အချစ်အတွက် ရူးကြည့်ချင်တဲ့ အရွယ်လေ။ သူမရဲ့ ပထမချစ်သူနဲ့ လမ်းမခွဲသေးပဲ ကျနော်နဲ့ တရားဝင်တွဲသွား တွဲလာရှိနေခဲ့တယ်။ ရင်ခုန်သံတွေက ကဗျာတစ်ပုဒ်လို လှပနေခဲ့တယ်။ သူမကကျနော့်နားမှာ နေပြီး နှလုံးခုန်နှုန်းကို ရမ်သမ်ညှိပေး နေခဲ့တယ်။ အဲဒီတုန်းက ကျနော်အမုန်းဆုံးက နေညိုချိန်တွေကိုပဲ။ ချစ်သူပုခုံးပေါ် ခဏတစ်ဖြုတ် နားတဲ့လိပ်ပြာ ကိုတောင်မသတီနိုင်ခဲ့ဘူး။ ကျနော်ချစ်တာ သူမ။ သူမမိသားစုအကြောင်း၊ ဆွေမျိုးအကြောင်း၊ သူမရဲ့ချစ်သူက မိဘ သဘောတူထားတဲ့ ငယ်ကျွမ်းဆွေ တွေစတဲ့ အကြောင်းပေါင်းများစွာ တို့ကို နားမထောင် ချင်ယောင်ဆောင်ရင်း ကျနော်အလွတ်ရနေခဲ့တယ်။ ကျနော်သိထားတာက ကျနော်တို့နှစ်ယောက် အပြန်အလှန် ချစ်မိနေကြပြီ ဆိုတာပဲ။

သူမချစ်သူအတွက် ကျနော့်အရှေ့မှာ ကျခဲ့တဲ့မျက်ရည်စက်တိုင်း ကျနော့်ရင်ခုန်သံကို ရာခိုင်နှုန်းလျော့စေခဲ့တယ်။ ဒေါသစိတ်တွေကို ရင်ခုန်သံထဲကနေနုတ်တဲ့ နည်းကို ကျနော်ရှာဖွေခဲ့မိတယ်။ သူမမျက်ရည်တွေကို သုတ်ဖို့ကျနော့်လက်တွေ မသုံးချင်ခဲ့မိဘူး။ ကျနော့်အချစ်က နှစ်သိမ့်ဖို့မဟုတ်ဘူး။ ပျော်ရွှင်စရာ ကောင်းတဲ့အချစ်မျိုး။ ချီတုံချတုံ မသဲကွဲတဲ့ ပိုင်ဆိုင်မှုအတွက် အလုပ်သင့်ဆုံးကို ကျနော်ရွေးချယ်ခဲ့တယ်။ ကျနော်တို့ သုံးယောက်လုံး မြလမ်းထဲက နာမည်ကြီး ရခိုင်မုန့်တီဆိုင် မှာပုစ္ဆာတစ်ပုဒ် ကိုအဆုံးသတ် တွက်ခဲ့ကြတယ်။ အဲဒီနေ့က ကျနော်တို့ စကားတစ်လုံး မှမပြော ဖြစ်ခဲ့ကြဘူး။ ရခိုင်မုန့်တီ အရည်နဲ့သုံးပွဲကို ကျနော်ကပဲ ဦးဆောင်မှာခဲ့တယ်။ ကျနော့်ဘ၀မှာ အဲဒီနေ့က ရခိုင်မုန့်တီဟာ မပူ၊ မငန်၊ မစပ်ပဲ အရသာမရှိဆုံး ဖြစ်မယ်ထင်တယ်။ မုန့်တီသုံးပွဲလုံး အငွေ့တစ်ထောင်းထောင်း နဲ့ကျနော်တို့ တစ်ယောက်ချင်းစီ ရှေ့မှာ စီစီရီရီ လေးရောက်လာခဲ့တယ်။ သူမရဲ့ ပထမချစ်သူက သူမအလွယ်တစ်ကူ ခပ်ရလွယ်အောင် မသိမသာလေး သူမနားကို သူ့ရဲ့ပန်းကန်ရွှေ့ လိုက်တယ်။ ကျနော်က သိသိသာသာလေး သူမခပ်မရအောင် ပန်းကန်ကို သူမနဲ့ခပ်လှမ်းလှမ်းကို ရွှေ့လိုက်တယ်။ သူမပထမချစ်သူရော၊ ကျနော်ရောသူမ လက်ကိုမမှိတ်မသုန် ကြည့်နေခဲ့တယ်။ သူမလက်ဟာ အတန်ကြာမလှုပ်ယှက် နိုင်ဘူး။ သူမမျက်တောင်ခတ်တဲ့ အကြိမ်ကသာမန်ထက် ပိုများနေတာ ရိပ်မိလိုက်တယ်။ ရင်ခုန်သံတွေအတွက် သေချာလေ့ကျင့် ခဲ့တာတောင် ကျနော် အမှားမှားအယွင်းယွင်းနဲ့။ ရုတ်တရက် ဆိုသလိုသူမရဲ့ ဇွန်းကိုင်ထားတဲ့ညာဖက် လက်ဟာ ကျနော့်ပန်းကန်ဘက်ကို ရွှေ့လာခဲ့တယ်။ ကျနော့်ရင်ခုန်သံတွေက မိုးခြိမ်းသံလို ကြားနေရတယ်။ ဖျက်ကနဲ ရှေ့နားကနံနံပင်ခွက်ကို ယူပြီးတစ်ခွက်လုံးကို ကျနော့်ပန်းကန်ထဲ မှောက်ချပစ်လိုက်တယ်။ ကျနော်သူတို့ နှစ်ယောက်ကို ပြုံးပြုံးလေးနဲ့ နာကျင်စွာ နောက်ဆုံးနှုတ်ဆက်ခဲ့တယ်။

သူမက နံနံပင်ကို အမုန်းဆုံးလေ။

(၂)

သူမနာမည် မြမဉ္ဖူ။
နာမည်လှသလို လူလည်းလှတယ်။ သူမက ငါးပေဆယ်လက်မရှိတဲ့ ကျနော့်အရပ်နဲ့ ပုခုံးချင်းတန်းတူပဲ။ သူမရဲ့အိမ်နာမည်က အရှည်ကြီးတဲ့။ ကျနော်တို့စတွေ့ကြတာက သီချင်းဆိုပြိုင်ပွဲ တစ်ခုမှာပါ။ လူအများကြားမှာ ထင်ပေါ်လှတဲ့ သူမအရပ်ထက် ကျနော့်ကို တုန်လှုပ်စေတာက သူမရဲ့သီချင်းဆို ကျွမ်းကျင်မှုပါ။ သူမကနာမည်ကြီး အနုပညာရှင် တစ်ယောက်ရဲ့ တူမလည်း ဟုတ်တယ်။ သူမရဲ့ သီချင်းဆိုဟန်နဲ့ စတိုင်တွေက အဆိုတော် ယုဇနနဲ့ တစ်ထပ်တည်း။ ကျနော်တို့ ဆုံဖြစ်ကြတဲ့ ပြိုင်ပွဲမှာလည်း သူမကယုဇန သိချင်းဆိုတယ်။ အဲဒီကတည်းက ကျနော်ကသူမကို " ယုဇန " လို့ပဲခေါ်ခဲ့တယ်။ သူမနဲ့တွေ့ဖြစ်ကြတိုင်း သီချင်းအကြောင်း ချည်းပဲပြောကြတယ်။ သူမကဂစ်တာလည်း ကျနော့်ထက် တီးတတ်တယ်။ သူမနဲ့ကျနော်က သီချင်းကြိုက်ပုံ ချင်းတူတယ်။ အသံမာမာနဲ့ ခပ်အေးအေးလေး ဆိုပြီးခံစားရတဲ့ စာသားလေးတွေကို ကြိုက်တယ်။
" My Love...There's only you in my life..The only thing that's bright......
My First Love....You're every breath that I take...You're every step I make........" Endless Love ထဲကစာသားလေး တွေကိုစာရွက်မှာ ရေးပြီးအလွတ်ကျက် ခဲ့ကြတယ်။ ဂစ်တာကောဒ့်တွေ ကြားထဲမှာ ကျနော်တို့ ကြည်နူးခဲ့ကြတယ်။ ပျင်းလာရင်ကျားထိုးတန်း ကစားကြတယ်။ ရှူံးတဲ့သူကို ရောင်စုံခဲတံတွေနဲ့ မျက်နှာပေါ် ပေါက်တတ်ကရ ရေးရတယ်။ လူတွေအများကြီး မရှိပဲ ကျနော်တို့ အူလိုက်သဲလိုက် ပျော်ခဲ့ကြတယ်။ သူ့ကိုနောက်တစ်ခု တိုးပြီးခင်မိတာက ရောင်စုံစက္ကူကြယ်လေးတွေ ကိုလှလှပပ ခေါက်တတ်တာပဲ။ ငှက်ပုံလေးတွေ ဖြစ်အောင်လည်း ခေါက်တတ်သေးတယ်။ သူ့အဖြေရဖို့ ကျနော့်မှာ သူပေးတဲ့ ရောင်စုံစက္ကူကြယ် ပုလင်းတစ်လုံးကို အကုန်ခေါက်ရိုးလိုက် ဖြေရသေးတယ်။ သူကအထဲကစာရွက် သေးသေးလေးထဲမှာ " ချစ်တယ် " လို့ရှင်းရှင်းလေး ရေးထားခဲ့တာ။ ကျနော်ကိုမှ အတာပါ။ နောက်မှသူပြန်ပြောပြတာက ကျနော်ပင်ပန်းမှာ ဆိုးလို့ ဆိုပြီးရောင်စုံစက္ကူကြယ် လေးတွေထဲကမှ အချစ်ရဲ့သက်သေ ပန်းရောင်ကို သုံးလေးခုလောက်ပဲ ထည့်ပြီးခေါက် ထားခဲ့တာတဲ့။ ဒါပေမယ့် ကျနော်ခေါက်ရိုးဖြေလိုက်တာ ပန်းရောင်ကနောက်ဆုံးမှလေ။ " ချစ်တယ် " လို့ရေးထားတဲ့ ပန်းရောင်စက္ကူကိုတောင် နောက်ဆုံးမှ ဖွင့်နိုင်ခဲ့တယ်။ ရုပ်ရှင်ကားကောင်းရင်လည်း မလွတ်တမ်းကြည့် ဖြစ်ကြတယ်။ သူမကရုပ်ရှင်ဇာတ်ကားထက် ရုပ်ရှင်ရုံထဲမှာ ကျနော့်ပုခုံးကို မှီပြီးနေခွင့်ရတာ ပိုနှစ်သက်တယ်။
တစ်ခါတစ်ရံ ဇာတ်လမ်းထဲ စိတ်ရောက် နေတာနဲ့သူမနမ်းလိုက်တာ ကို သတိမပြုလိုက်မိဘူး။ သူခပ်ဖွဖွလေး ဆွဲစိတ်လိုက်မှ သတိပြန်ဝင် လာတတ်တဲ့ ကျနော်ပါ။ ကျနော်သိပ်ချစ်သလို၊ သူမလည်းကျနော့်ကို သိပ်ချစ်ပါတယ်။ သူမကကျနော့်နာမည်ကို တစ်လုံးတည်း အဖျားဆွတ်ခေါ်တယ်။ ".........." တဲ့။

သူမနဲ့ အပတ်စဉ်သွားနေကြ ဘုရားကျောင်းရှေ့ကို ဒယ်ဒီလာစောင့်နေတဲ့နေ့။ ထိုနေ့က သဲကြီးမဲကြီး ရွာနေတဲ့မိုးဟာ ကျနော့်အတွက် ကံဆိုးစေခဲ့ တာပဲလား။ ကျနော့်ရင်ခုန်သံတွေကလည်း လေကြီးမိုးကြီးနဲ့ပါ။ " မင်းဘာလာလုပ်တာလဲ " ဆိုပြီး တစ်ခွန်းတည်း မေးခဲ့တယ်။ ဒယ်ဒီ့စကားတွေဟာ ပြတ်သားလွန်းနေခဲ့တယ်။ ကျနော်ရော သူမပါ ရှင်းပြခွင့် တောင်မရှိခဲ့ကြဘူး။ စကားလုံး တစ်လုံးစီတိုင်း ဟာသူမကိုသာမကပဲ သူမယုံကြည် အားကိုးရာ ပတ်ဝန်းကျင် တစ်ခုလုံးကိုပါထိခိုက် နာကျင်စေခဲ့တယ်။ သူမအတွက်ကာကွယ် ခဲ့တဲ့ကျနော့်ရဲ့ စကားလုံးတွေဟာ ဒယ်ဒီ့ရဲ့ခပ်ပြင်းပြင်း လက်သီးတစ်ချက်ကို မကျော်လွန်နိုင် ခဲ့ပါဘူး။ ကျနော်တို့ကားခပ်ဝေးဝေး ရောက်နေတဲ့အချိန်ထိ သူမကျနော့်ကို ငေးကြည့်နေဆဲ။ သူမခြေလှမ်းတွေက သူမရဲ့ယုံကြည်ရာ ဘုရားကျောင်းကြီးဆီကို ဦးတည်သွားနေမယ် ဆိုတာ ကျနော်သိနေခဲ့ပါတယ်။

အပြာရောင် ခေါက်ထီးတစ်လက် တည်းမြေပြင်ပေါ်မှာ ပိုင်ရှင်မဲ့နေခဲ့တယ်လေ။

(၃)ကျမနာမည်က မိချောပို။

ကျမမိဘတွေက ကျမကို မိချောပို လို့ပဲခေါ်တယ်။ ကျမနားမှာ ကြားရတာအခါးဆုံးပဲ။ ကျမဘော်ဒါရောင်းရင်း တွေကိုကတော့ " မောင်ပို " ဆိုသွားမထိ နဲ့။ နားကားသွားမယ်တဲ့။ ကျမကို အဖေနဲ့အမေကလွဲလို့ ရက်ကွက်ထဲ မိချောပို ခေါ်လို့ကတော့ တန်းမရွေးဘူး။ လာထားပဲ။ ကျမမှာ ငယ်ဖော်သူငယ်ချင်း " ငနေ " ရှိတယ်။ ဒီကောင်က ကျမအပေါ်ကောင်းပေမယ့် ဆရာကြီးသိပ်လုပ် ချင်တယ်။ မတည့်အတူနေပေါ့။ ဒီကောင်က ယောင်္ကျားအစစ်ဖြစ်ပြီး တစ်ခါတစ်ရံ သရဲဘောကြောင် တတ်တဲ့ကောင်။ ငယ်ငယ်ကတည်းက တစ်လကို တစ်ကြိမ်လောက်တော့ အနည်းဆုံး ဒီကောင်နဲ့ နားပန်းသတ်နေကြ။ ကျမအရွယ်လေး ရောက်လာတော့ လက်သီးကြေးပဲ ချတော့တယ်။ နပန်းသတ်ရင် အဖေကကျမကို ပြန်သတ်မှာလေ။ ကျမနဲ့ ငနေက ကျောင်းတက်ကတည်းက တစ်တန်းတည်း နေလာခဲ့တာ။ နည်းပညာတက္ကသိုလ် ရောက်တော့လည်း အတူတူပဲ။ ကျောင်းမှာအပြင်ဆောင် နေကြတော့ ကျမက ငနေတို့ ယောင်္ကျားလေးဆောင်မှာ နေဖို့ အပူတစ်ပြင်း ကြိုးစားခဲ့သေးတယ်။ အဖေလိုက်လာပြီး ဗျင်းတော့မှ ကျမကျောကော့ခဲ့ရတယ်။ မှတ်မှတ်ရရ ကျမက ကိုးတန်းရောက်မှ ကျောင်းလုံချည်စ၀တ်ခဲ့တာ။ အဲဒီနေ့ ငနေကျမကို ကြည့်ပြီးရီလို့ လုံချည်ကိုချွတ်ချလိုက်ပြီး ဒီကောင့်နောက် တုတ်နဲ့လိုက်တာ တစ်ကျောင်းလုံးကို ပွဲဆူခဲ့ဖူးသေးတယ်။ ကျမက လုံချည်အောက်အမြဲ ဘောင်းဘီရှည်ကို ခေါက်ဝတ်ထားတာ။ နောက်နေ့ကျမအဖေ ထမင်းတစ်နပ်မကျွေးပဲ တိုင်မှာကြိုးတုတ်ဖူး ကတည်းက ကျမခါးမှာ လုံချည်မြဲလာ ခဲ့တယ်။ ငနေက တက္ကသိုလ် ရောက်တော့ရည်းစား ကိစ္စပွေချင်သေးတယ်။ ကျမကို ဒေါသထွက်စေတာက ကျမနဲ့သူ ကြိုက်တဲ့ မိန်းကလေးက အမြဲလာလာ တူနေတတ်တာပဲ။ ဘာပဲဖြစ်ဖြစ် ကျမကတော့ အနေနီးဖို့ တစ်ဗန်းသာသာပေါ့။ ကောင်မလေးတွေက ဒီကောင့်ကို ဘာကြည့်ပြီး King ပေးသလဲ မသိပါဘူး။ ကျမကတော့ သူ့ကိုနှပ်ချီးတွဲလောင်း နဲ့ပုံပဲတွဲမြင်တယ်။ ကျမနဲ့ငနေ ကျောင်းက Queen ကိုအပြိုင်ပိုးရာကနေ ရန်သူတွေ ဖြစ်မှန်းမသိ ဖြစ်သွားကြတော့ တာပဲ။

ဒုတိယနှစ် အောင်စားရင်းထွက်တော့ ငနေနဲ့ သူမက တရားဝင်ချစ်သူတွေ ဖြစ်သွားခဲ့ကြတယ်။ ကျမကျောင်းကနေ အပြီးထွက်လိုက်တယ်။ ကျမမိဘတွေကို အတိုက်အခံလုပ်ပြီး ပညာရေးတက္ကသိုလ်ကို ပြောင်းတက်ခဲ့တယ်။ ကျမကျောင်းပိတ်လည်း အိမ်မပြန် ဖြစ်ခဲ့တော့ဘူး။ ကျမအတွက်အဖော်ဟာ စာအုပ်တွေဖြစ်လာခဲ့တယ်။ စာပေထဲကနေ အမှန်တရားကို လက်ခံနိုင်အောင် ကျမကြိုးစားခဲ့တယ်။ သဘာဝတရား တွေကိုချစ်တတ်လာ ခဲ့တယ်။ ကျေကျေနပ်နပ် လည်းလက်ခံတတ် လာခဲ့တယ်။ ဆံပင်တွေဆက် မညပ်ဖြစ်တော့ဘူး။ အဖေကျမကို လာတွေ့တော့ အဖေ့မျက်လုံးတွေကို ကျမဖတ်တတ်ခဲ့တယ်။ ကျမစေလိုရာစေ နဲ့တောင်တန်းဒေသ ဘက်ကိုတာဝန် ထမ်းဆောင်ဖို့ လျှောက်ခဲ့တယ်။ ကျမတစ်ပည့်လေးတွေရဲ့ " မင်္ဂလာပါဆရာမ " ဆိုတဲ့ စကားချိုးက ကျမစိတ်တွေကို ပိုပြီးပျော့ပြောင်း လာစေခဲ့တယ်။ တည်ငြိမ်တဲ့ မိန်းမသား တစ်ယောက်ရဲ့ ဘ၀ကို ကျမမြတ်နိုးတတ် လာခဲ့တယ်။ ဒါပေမယ့် ဒါဇင်ပေါင်းများစွာ သိမ်းထားခဲ့တဲ့ ကျမရဲ့ ရင်တွင်းဖြစ် ကဗျာတွေကို အဓိပ္ပာယ်ပြန်ဖို့ ရှက်နေခဲ့တယ်။ ခေါင်းစဉ် နဲ့စာသားသာ ကွဲပြားပြီး ခံစားချက်က တစ်ခုတည်းပဲ ဦးတည်နေလို့ပါပဲ။ ကျမသေတဲ့ အထိ သူ့ကိုထပ်မတွေ့ဖို့ ဆုံးဖြတ်ထားခဲ့ပါတယ်။

-----------------------------------------။။။။။။။။။။။။။။။။။။။။။----------------------------------------

အချစ်မှာ ရယူပိုင်ဆိုင်ခြင်းနဲ့ စွန့်လွတ်အနှစ်နာခံခြင်း ရယ်လို့လူတွေက ပညတ်ထားကြတယ်။ အချစ်ကို ပုံဖော်ရင်းပဲ သီအိုရီတွေ အန်ကျလာတတ်တယ်။ စာရေးသူက ရိုးသားတဲ့အချစ်မျိုးကိုပဲ မြတ်နိုးတယ်။ သူ့မှာ ပညတ်မှု၊ နှောင်ဖွဲ့မှု တွေမလိုအပ်ဘူး။ သိပ်ခါးတဲ့ ကော်ဖီတောင် အချစ်ခတ်ရင် ချိုလာနိုင်မှာပါ။ အချစ်ဆိုတာ ပျစ်ချွဲချွဲမဟုတ်ပဲ အနေတော်လောက် ချိုနေရင်တောင် တန်ဖိုးရှိလှပါပြီ။ အချစ်ကို ခမ်းခမ်းနားနား စာဖွဲ့ ရလောက်အောင်လည်း စာရေးသူ မကျွမ်းကျင်ပါ။ တတ်နိုင်တာက ရိုးသားမှုနဲ့ သစ္စာရှိမှုပါပဲ။ ဒီထက်ပိုပြီး အချစ်အတွက် ဘာမှ မချမ်းသာပါ။ တစ်ခါတစ်ရံလည်း အချစ်ဆိုတာ ဒိုင်ယာရီထဲက နံပါတ်စဉ်တွေလိုပဲ၊ အလွဲလွဲ အချော်ချော် နဲ့ပေါ့။ အချစ်အတွက် သီတင်းကျွတ်က ပြက္ခဒိန်ပြင်ပ ရောက်မနေဖို့က အရေးကြီးဆုံးပါ။ စာရေးသူအတွက်တော့ အချစ်ဆိုတာ လမ်းခွဲပါပဲ။



ဖန်နေ၀န်း

" အမေများ...."

(၁)

တစ်ချို့အမေတွေက ကိုယ့်သားသမီး နိုင်ငံခြားရောက်နေတာကို ခပ်ကြွားကြွားလေး ဂုဏ်ယူတတ်ကြတယ်။ သားကလေ နိုင်ငံခြားကနေဆိုပြီး စကားကို အတင်းစပ်ပြော တတ်ကြတယ်။ နိုင်ငံခြားနဲ့ ဖုန်းပြောရင် အသံကို ခပ်ကျယ်ကျယ်ပြော တတ်တယ်။ အလှူ၊ မင်္ဂလာပွဲတွေကို နိုင်ငံခြားက ပို့လိုက်တဲ့ အ၀တ်အစား၊ လက်ကိုင်အိတ်၊ လက်ကိုင်ဖုန်း တွေနဲ့ တမင်တန်ဆာ ဆင်သွားတတ်တယ်။ လူစုံရင် မသိမသာနှင့် သိသိသာသာ နဲ့ဒါလေးက သမီးပို့လိုက်တာ ဘာဘာညာညာ စသဖြင့် ရှင်းပြတတ်တယ်။ တစ်လကုန်တိုင်း သားသမီးဆီက ငွေပို့တာ မျှော်တတ်ကြတယ်။ အခါကြီး၊ ရက်ကြီးတွေမှာ ကုသိုလ်ရဖို့ထက် ကြွားဝါဖို့ အလှူတွေ အမျိုးမျိုးအဖုံဖုံ ပြုလုပ်တတ်တယ်။ သားသမီးတွေကို နိုင်ငံရပ်ခြားမှာပဲ အိမ်ထောင်ကျပြီး အခြေချေစေချင် ကြတယ်။ ဖြစ်နိုင်ရင် သားသမီး တွေ နဲ့ အတူ နိုင်ငံရပ်ခြားမှာပဲ လိုက်နေချင်တယ်။ ကိုယ့်ရေမြေ၊ ကိုယ့်ဒေသကို မကောင်းတာပဲ ရွေးပြောတတ်တယ်။ ပတ်ဝန်းကျင်မှာ နိုင်ငံခြားရောက်နေတဲ့ သားသမီးများရဲ့ အမေတွေ နှင့်သာအရေးတယူ ဆက်ဆံလေ့ရှိတတ်တယ်။ စကားလုံးတွေကြားမှာ နိုင်ငံခြားဖြစ်တွေက ညပ်ညပ်ပါလာ တတ်တယ်။ Internet Connection ကမကောင်းလို့၊ သူ့သမီးက ဟိုက PR နဲ့အိမ်ထောင်ကျနေတာ၊ Work permit နဲ့ Spass ကအခွန်ဘယ်လို ဆောင်ရတာ စသဖြင့် သားသမီးပြောသမျှ သေချာမသိပဲ လူတွေရှေ့ပြော တတ်ကြသေးတယ်။ ဒေါ်လာဘယ်ဈေးရှိလဲ ဆိုတာကို ဆန်တစ်ပြည်ဘယ်လောက်ထက် စိတ်ဝင်စားတတ်တယ်။ သားသမီးပြောပြ တဲ့လစာကို ပိုပိုသာသာလေးမြှောက်ပြီး ရင်ခုန်တတ်ကြတယ်။ ဘုရားသွားလည်း ဒီစကား၊ ရိပ်သာသွားလည်း ဒီစကား မရိုးနိုင်အောင်ပြောတတ်ကြတယ်။

(၂)

သားသမီးဆီ ကဖုန်းလာရင် ၀မ်းနည်း၊ ၀မ်းသား ဖြစ်တတ်ကြတယ်။ ဘယ်တော့လောက် ပြန်လာမှာလဲလို့ မေးလေ့ရှိတယ်။ ကျန်းမာရေးဂရုစိုက်ဖို့ အတန်တန်မှာကြား တတ်တယ်။ ငွေကအရေးမကြီးကြောင်း၊ ကျန်းမာအောင်အစားပုံမှန် စားဖို့လိုကြောင်းမှာ ထပ်တစ်လဲလဲ ပြောတတ်ကြတယ်။ ဘာစားချင်လည်း၊ ဘာပို့ပေးရမလဲ အမြဲမေးတတ်တယ်။ သားသမီးပို့လာတဲ့ ပိုက်ဆံကိုသုံးတန်သုံး၊ စုတန်စုပေးထားတတ်ကြတယ်။ လူကြုံဘယ်သူရှိလဲ အမြဲစုံစမ်း နေတတ်တယ်။ သားသမီးတွေအကြိုက် ကြိုတင်ပြင်ဆင် ထားတတ်ကြတယ်။ ဘာသာတရားကိုင်း ရှိူင်းဖို့အာပေးတတ်ကြတယ်။ အိမ်ပြန်လာရင် ၀မ်းပန်းတစ်သာ ဖြစ်အောင် စုစုဆောင်းဆောင်း နဲ့ ခမ်းခမ်းနားနားလေး ပြင်ဆင်ထားတတ်တယ်။ ပို့လာတဲ့ငွေကြေးတွေကို ဘယ်လိုတိုးပွားအောင် လုပ်မလဲဆိုတာ ကြံဆတတ်ကြတယ်။ ဒီနှစ်ပြန်လာမလား ဆိုတဲ့ မေးခွန်းထက် အဘွားကတောင် မေးနေတာ စသဖြင့် သွေးတိုးစမ်းတတ် ကြတယ်။ ဖုန်းပြောနေရင်း မတော်တစ်ဆ ချောင်းဟန့်မိတာနဲ့တင် ဆေးမသောက်ဘူးလား၊ အအေးမိတာလား၊ ရေချိုးမှားတာလား နဲ့လားပေါင်းများစွာ မေးခွန်းတွေ ပေါ်လာတတ်တယ်။ ဘာတွေစားသောက်နေလဲ ဆိုတာလည်း ဖြေပြီးတိုင်း ထပ်မေးတတ်ကြတယ်။ ရတနာသုံးပါး မမေ့ဖို့လည်း တစ်တွတ်တွတ်မှာကြား တတ်ကြပြန်တယ်။

(၃)

သိပ်ချမ်းသာတဲ့ မိသားစုတွေရဲ့ အမေကတော့ သိပ်မထူးဆန်းလှ။ သားသမီးဖုန်းလာသည့်တိုင် ဘာမှမတုန်လှုပ်၊ လုပ်လက်စအလုပ် မပျက်။ ပိုက်ဆံပို့ချင်ပို့ မပို့ချင်နေ ဘာမှမပြောကြဘူး။ မျှော်လည်းမမျှော်တတ်ကြ။ သားသမီးနဲ့ဖုန်းပြောတိုင်း နောက်ဆုံးပေါ် လက်ကိုင်ဖုန်း၊ ကား၊ လက်ဝတ်လက်စား တွေဈေးနှုန်း ဘယ်လောက်ကွာတဲ့ အကြောင်း၊ တစ်ခြားနိုင်ငံကြီးတွေကို ဘယ်လိုလမ်းကြောင်းနဲ့ သွားရင်အဆင်ပြေမယ့် အကြောင်းတွေ ပြောတတ်ကြတယ်။ သူတို့ပြောတဲ့ အထဲမှာ နိုင်ငံရေးမပါဘူး။ ဘာသာရေးမပါဘူး။ ဘ၀ကိုဘယ်လို တိုးတက်အောင်ဆက်လုပ် မလဲပဲ အကြံဥဏ်ပေးတတ်ကြတယ်။ တစ်ခါတစ်လေ ညသန်းခေါင်ကြီးဖုန်း မဆက်နဲ့လေလို့ တောင်းပန်သယောင်နဲ့ ဟန့်တားတတ်ကြသေးတယ်။ ပတ်ဝန်းကျင်က အကြောင်း၊ ဆွေမျိုးအကြောင်း စီကာပတ်ကုံး မပြောတတ်ကြဘူး။ ကိုယ့်ဘ၀ကို အမြင့်ဆုံးထိရောက်အောင် လမ်းစရှာပေးကြတယ်။ သားသမီးကို ချစ်တာတို့၊ ဂရုစိုက်ဖို့ ပြောနေတာထက် ဘာဆက်လုပ်ဖို့ပဲ တာဆူနေတတ်ကြတယ်။ ဖုန်းပြောပြီး " ဘိုင် ဘိုင် " လို့ဘိုလိုလေး အဆုံးသတ်ကြတယ်။

(၄)

ရွာထဲက သားသမီးနိုင်ငံခြားရောက် လို့ကတော့ တစ်ရွာလုံးသိပဲ။ ဖုန်းဆိုလည်း ရွာသူကြီးအိမ်မှာ သွားပြောရတာကိုးမလား။ ဥပမာ- တနင်္ဂနွေနေ့တိုင်း ညနေ ၇ နာရီးဆို ပုံမှန် သူကြီးအိမ်မှာ သွားထိုင်စောင့်နေပြီ။ အမေရော၊ အဖေရော၊ ညီအစ်ကိုမောင်နှမ၊ ဆွေမျိုးသားခြင်းပါ မကျန်ပါဘူး။ အိမ်နီးနားချင်းတွေက အမေတွေကလည်း ကလေးကတစ်ခွပိုက်လို့ နားစွင့်နေတတ်ကြတာပါပဲ။ ပြောတဲ့ အကြောင်းအရာတွေထဲက ရွာဦးကျောင်းဆရာတော်က စလို့ အရက်သမားဖိုးအေး အထိ ဆွေတစ်ရာ၊ မောင်တစ်ကျိတ်ပါမကျန် ပါတတ်ကြတယ်။ အိမ်ဦးခန်းမှာ အဲဒီသားသမီးပုံက ဘုရားပြီးရင် ကားချပ်အကြီးဆုံး မန်ဘောင်နဲ့ ကွတ်ထားတတ်ကြတာ။ အလည်ပြန်လာရင် မိသားစုအတွက်တင်မကပဲ လက်ဆောင်တွေဝယ်ရတာ မနည်းဘူး။ သူတို့ကလည်း လာမယ့်ရက်ကြိုတွက်ပြီးတော့ အိုးစည်ကနားနဲ့တောင် ကြိုဆိုချင်ကြတာမလား။ သားသမီးပို့တဲ့ ပိုက်ဆံထက် သားမျက်နှာမြင်ရဖို့က ပိုကြတယ်။ ရွာမှာက ခောတ်မှီပစ္စည်းထက် အလှူကြီးပေးနိုင်ရင် ပျော်လို့မဆုံးတော့။ လယ်ရှိရင်ထမင်း ငတ်ဖို့ပူစရာမှ မလိုတာလေ။ ပြီးတော့သူတို့ စိတ်ဝင်စားတာ ပါတိတ်လုံချည်မဟုတ်ဘူး၊ လက်ဆွဲအိတ်မဟုတ်ကြဘူး။ သားသမီးကောင်းကောင်း မွန်မွန်နေရတာမြင်ရ၊ ကြားရရင် ပျော်နေတတ်ကြတဲ့ မိခင်မျိုးတွေပါ။ ကြွားဝါဖို့ထက် သားသမီးပြောခဲ့သမျှကို မျက်ရည်စမ်းစမ်းနဲ့ ပီတိဖြာပြီး ပြောပြ တတ်ကြပြန်ရော။ ဖုန်းလာရင် ဘုန်းကြီးပါစေ၊ အသက်ရှည်ပါစေလို့ ဆရာတော်ကလည်း မေတ္တာပို့ပေးတယ် ဆိုတဲ့အကြောင်း ပြောတတ်တယ်။ တစ်ဖက်က ဖုန်းမချမချင်း စကားတွေ မရပ်မနားပြော တတ်သေးတယ်။ တစ်ဖက်က ဖုန်းချပြီးတာတောင် " ဟယ်လို ဟယ်လို" ဆိုပြီး ထပ်ပြောချင်ကြ ပြန်သေးရဲ့။


ဒီနံပါတ်စဉ်တွေက သားသမီးနိုင်ငံရပ်ခြားမှာ နေပြီးဝေးနေကြရတဲ့ အမေတွေပါ။ အမေအမျိုးမျိုး၊ စိတ်တွေကလည်း အထွေထွေပေါ့။ ဘယ်လိုပဲအယူစွဲမှား နေပါစေ အမေဟာ အမေပါပဲ။ တစ်ခြားခေါင်းစဉ် ပြောင်းတပ်လို့ မရဘူးလေ။ သားသမီးအပေါ် ချစ်ကြတာချင်းတော့ အတူတူပါပဲ။ သားသမီးအားလုံး အတွက် မာတာမိခင် ဆိုတာ မပယ်ကောင်း တဲ့ပုဂ္ဂိုလ်မျိုးပါ။ မွေးလာကတည်းက အတူတူနေစဉ်တုန်းအချိန်မှာ စာရေးသူတို့သာ အသက်ကြီးလာတာ။ အမေတွေက အသက်မကြီးလာသလိုလို၊ မအိုလာသယောင်ယောင် ထင်ခဲ့ကြတာပါ။ အကြာကြီးခွဲခဲ့ပြီး ရုတ်တရက်ပြန်တွေ့ရင် အမေတွေမျက်နှာကို သေချာကြည့်လိုက်ပါ။ အမေ့မျက်နှာပေါ်က အရေးအကြောင်းတွေ၊ တစ်ခါမှမတွေ့ဖူးတဲ့ အမေ့ခေါင်းပေါ်က ဆံပင်ဖြူတွေက အိုမင်းလာတယ်ဆိုတဲ့ သက်သေတွေပါ။ ဇရာရဲ့ လှည့်စားမှုတွေက အမေအားလုံးရဲ့ နုပျိုမှုတွေကို စုတ်ယူသွား စေခဲ့တာပါ။ " အမေရယ် အိုစာသွားလိုက်တာ..." လို့ဘယ်သားသမီးက ပြောထွက်မှာလဲ။ ရင်ထဲမှာ လူတိုင်းဒီလို ခံစားရကြမှာပဲ။ ဒါပေမယ့် အမေကို အလွန်အမင်း ရှုတ်တွနေတဲ့ မျက်နှာလိုအိုဇာသွားမှာတော့ စိုးရိမ်နေမိတယ်။ တစ်ကယ်လို့ အမေ့မှာ သွားတွေမစုံ၊ ဆံပင်တွေတစ်ခေါင်း လုံးဖွေးဖွေး ဖြူပြီး၊ ပါးရေနားရေ တွေရဲ့တွန့်ခေါက်မှုဟာ ကြည့်မကောင်းတော့အောင် အိုသွားတဲ့အချိန်ကျရင် အမေနဲ့ အခုလို ခွဲပြီးမနေချင်တော့ဘူး။ အမေ့ကိုချစ်တဲ့ သားသမီးဆိုတာ အမေကိုခြေဆုတ်လက်နှယ် ပြုစုပေးရမယ်လို့ စာရေးသူခံယူထားပါတယ်။

မလိမ္မာခဲ့တဲ့ စာရေးသူဟာ အမေကိုမျက်နှာချင်းဆိုင် မရှိခိုးပဲ အမေမမြင်အောင်ပဲ ဦးချဖူးတယ်။ အမေ့ကိုပွေ့ဖက်ရမှာ အပိုအလုပ်၊ ပတ်ချွဲနှပ်ချွဲဆိုပြီး ထင်ခဲ့မိသေးတယ်။ " အမေ့ကိုချစ်တယ် " လို့ပြောရမှာ ခုထိရှက်နေသလို ခံစားနေရတယ်။ ဖုန်းဆက်ရင် " နေကောင်းကြတယ်မလား အားလုံး " ၊ " ဒီနေ့ဘာဟင်းစားကြတာလဲ.." စသဖြင့် အပိုအလိုမရှိ စပြီးအမြဲပြော နေမြဲပါပဲ။ ရင်ထဲက ဆန္ဒအတိုင်း ခုထိဘာကြောင့် ပြောမထွက်တာလဲဆိုတာ ကိုယ်တိုင်ခဏခဏ မေးဖူးတယ်။ သူများတွေများ ပြောထွက်လိုက်ကြတာ။ စာရေးသူတော့ သူများ ပြောနေသံကြားရင်တောင် အပိုတွေ၊ ကဲလိုက်တာလို့ ဝေဖန်နေဆဲ။ ခွဲခွာခဲ့ရတာတွေ ကြာလွန်းလို့ အမေ့ရင်ခွင်ရဲ့ နွေးထွေးမှု အရသာဟာ ဖော်ပြရလောက်အောင် မရင်းနှီးတော့ပါဘူး။ ဘယ်ကိုပဲရောက်ရောက်ပါ။ ဘယ်ရင်ခွင်ဟာ အလုံခြုံဆုံးလည်း ဆိုတာသဘောပေါက်နိုင် ကြပါစေ။


ဖန်နေ၀န်း