ကျနော်တို့က သူငယ်ချင်းတွေပါ။ သိပ်ကို ခင်မင်ရင်းနှီးကြတဲ့ သူငယ်ချင်းတွေပါ။ ကျနော်တို့ လက်ချောင်းတွေ အကြိမ်ပေါင်းများစွာ နာကျင်တဲ့အထိ စကားတွေပြော ခဲ့ကြတယ်။ ဟာသတွေပြောရင်း အပျင်းဖြေကြတယ်။ သတင်းတွေပေးရင်း မျက်စိနဲ့နားကို ဖွင့်ကြတယ်။ တစ်ခါတစ်ရံ သီချင်း အသစ်လေးတွေ နားထောင်ဖို့ ပေးတယ်။ ရှေးဟောင်း နှောင်းဖြစ် လေးတွေပြောရင်း အလွမ်းသယ် ကြတယ်။ ဘာသာရေး ကအစ နိုင်ငံရေးပါမကျန် နှီးနှောဖြစ်ကြတယ်။ တစ်နေ့ထက်၊ တစ်နေ့သူငယ်ချင်း အသစ်တွေလည်း တွေထပ်တိုးလာခဲ့တယ်။ နာမည် တွေကလည်း ခောတ်ဆန်လာတယ်။ တစ်ချို့လည်း ကင်ပွန်းတပ်စရာ မလိုပဲ အမည်သစ်တွေ ဖြစ်လာကြတယ်။ ကျနော်တို့တွေ ကြားမှာ အချက်ပြမီးလုံး လေးတွေရှိတယ်။ မီးပွိုင့်တွေလိုပဲ အစိမ်း၊ အနီ နဲ့အ၀ါ နဲ့ကန့်သတ် ထားတယ်။ အစိမ်းရောင်သန်းနေရင် လျောလျောရှုရှု လေးပြောနိုင်တယ်။ မီးနီနေရင်တော့
“ R u busy? “ လေးနဲ့ အစပျိုးလေ့ ရှိကြတယ်။
မီးလုံးလေး တွေပေါ်က စာသားတွေက လည်းစွဲဆောင် မှုတစ်မျိုးပါပဲ။ လူအမျိုးမျိုး၊ စိတ်အထွေထွေ ဆိုတဲ့ အတိုင်း ခံစားချက်တွေက စုံလင်လို့။ တစ်ချို့က “ တရားနာယူနေပါသည်။ ကိစ္စမရှိရင် မခေါ်ပါနဲ့။ လူလိုနားလည်ပါ…” တဲ့။ တရားနာနေလည်း မီးလုံးလေး ဘာလို့ ပြထားသေးလဲ။ မခံနိုင်လောက်တဲ့ စာသားလေးသာ လှမ်းပြီး Enter ခေါက်ကြည့်လိုက်။ သူတော်စင်ကိုကို၊ မမတို့ ချက်ချင်းကို လက်တုံ့ပြန် တော့တာပါပဲ။ ဒီ Status တွေကလည်း စိတ်ထွက်ပေါက် တစ်ခုလိုပါ။ တင်ထားတဲ့ စာသားပေါ်မူတည် ပြီးသူ့ ခံစားချက်ကို ခန့်မှန်းနိုင်တယ်။ အချိန်တိုင်း ကိုယ်စိတ်ထဲခံစားနေရတာ မှန်သမျှ ချရေးလို့ ရတယ်။
တစ်ချို့လည်း
"Never fear shadows. They simply mean there's a light shining somewhere nearby." ဒီလို စာသား လှလှလေးတွေ ရွေးတင်ကြသလို၊
“ ဘ၀ဆက်တိုင်း England မှာ ဘောလုံးသမား၊ Korea မှာ မင်းသား၊ ဂျပန်မှာ ယာကူဇာ၊ US မှာ Mafia၊ Myanmar နိုင်ငံမှာ ရာထူးကြီးတဲ့လူကြီးသား ဖြစ်ရပါစေ၊ အရှင်ဘုရား…”“ အနိစ္စ~~~အရင်ရည်းစားကမမြဲ။ ဒုက္ခ~~~ဒီရည်းစားအတွက်သောကများရ။ အနတ္တ~~~နောင်လာမည့်ရည်းစားကလဲ အစိုးမရ။ ပြတ်သွားသမျှရည်းစားအားလုံး~~~အမျှ အမျှ….” မြင်တာနဲ့ ပြုံးချင်စရာဖြစ်အောင် တင်ကြတယ်။
ဆယ်ကျော်သက် ကောင်မလေး တွေကျပြန်တော့
“ ငါ့ရင်ဘတ်ထဲကို sign in နဲ့ဝင်လိုက် sign out နဲ့ပြန်ထွက်လိုက်နဲ့ မင်းငါ့ကို အင်တာနက်ဆိုင် ထင်နေလား? နောက်ဘယ်တော့မှ ပြန်ဝင်မလာနဲ့!!! မင်းအတွက် connection ကျသွားပြီ...”“အိပ်မက်တပွဲ ပေးပါ။ မျှော်လင့်ချက် များများထည့်၊ အတိတ် ဆိုးတွေ မပါစေနဲ့၊ ခံစားချက်ကို ပါးပါးလေး ဖြူး၊ သံယောဇဉ်လည်း ပါပါစေ”“ ငါ့ထက် ခွင့်လွှတ်တတ် သူကိုတွေ့ရင် ငါ့ကို စွန့်ခွာသွားခဲ့ပါ။ ငါ့ထက် တမ်းတတတ်သူကို ဆုံမိရင် ငါ့ကို မေ့ထားခဲ့ပါ။ ငါ့ထက် သံယောဇဉ် ကြီးသူကို ခလုတ် တိုက်မိရင် ငါ့ကို ချန်ထားခဲ့ပါ….” ဆိုပြီး
အဲလို စာသားနုနု လေးတွေနဲ့ စိတ်ဝင်စားအောင် ကလူသယောင်၊ မြူသယောင် တင်ကြပြန်ရော။
တစ်ချို့ကလည်း
“ မိုးတွေရွာနေပြီ လွမ်းလဲလွမ်းလှပြီ အချစ်ရယ် အနီရောင်စာတိုက်ပုံးထဲ ငါကိုယ်တိုင်ပဲ ခုန်ချလိုက်ချင်တယ်…” ဆိုပြီး ချစ်သူကို ခပ်ကဲကဲလေး လွမ်းနေသလို တင်ကြတယ်။
တစ်ချို့ကလည်း တစ်မျိုးလေး။
“ပျော်ပျော်နေ သေခဲ … မော်တော်နေ ရေထဲ … အိမ်မှာနေ အမေဆဲ … ရန်ကုန်မှာနေ ဗုံးကွဲ … နေပြည်တော်မှာနေ အသားမည်း … အမြင့်ဆုံးကိုတက် အချစ်ဆုံးကို ဖက်ပြီး အော်လိုက်မယ် … မီးလာပြီ … မီးလာပြီ … ဟေး” ဆိုပြီး ရေးတင်ကြတယ်။ နေ့ထူးနေ့မြတ်လို နေ့မျိုးကျပြန်တော့ ကျနော်တို့ လူမျိုးတွေက ချစ်စရာအကောင်းသား။ ဘုရားပုံတော် လေးတွေနဲ့ အတူ ၀ါဆိုလပြည့်နေ့၊ ကဆုန်လပြည့်နေ့ စသဖြင့် တင်လေ့ ရှိကြတယ်။ သတိပေးလှုံ့ဆော် ပေးနေသလို ဖြစ်တာပေါ့။ နိုင်ငံတော်ရဲ့ နေ့ထူးနေ့မြတ်တွေ မှာလည်း နိုင်ငံတော် အလံနှင့်အတူ အမျိုးသားနေ့၊ ပြည်ထောင်စုနေ့ စသဖြင့် ကြွေးကြော်ကြပြန်ရော။
“ ခိုင်မြဲခြင်းနဲ့ပြိုကွဲခြင်းကြားမှာ တခုပဲရှိတယ်။ ရိုးသားမှု။ ဒါဆိုဘာဂုဏ်ငယ် နေဦးမှာလည်း ငါတို့မှာ ရိုးသားခြင်းအပြည့်ရှိခဲ့တဲ့ လူတယောက်ရှိခဲ့တယ် ဒါဆိုဒီနေ့ဟာငါတို့အတွက် ဂုဏ်ရှိခြင်းနဲ့ ပြန်ပြီးအမှတ်တရ နေစေမယ့်အချိန် (သို့) ဂျူလိုင်၁၉” ဒီနှစ်အာဇာနည်နေ့ မှာ တင်ထားတဲ့ စာပုဒ်လေးကို သဘောကျလို့ ခွင့်မတောင်းပဲ သိမ်းထားတာလေးပါ။ တစ်ခါတစ်လေ လူတွေဆိုတာက စကားအခွန်းပေါင်းများစွာ ထက်စာလေး တစ်ကြောင်းက ပိုထိမိကြတဲ့ သတ္တ၀ါမျိုး တွေမလား။
Globalization ခောတ်ကြီးထဲမှာ မြန်မာလူမျိုးတွေ အသုံးများတဲ့ Gtalk ဟာအတော်ကို နှစ်လိုဖွယ် ကောင်းပါတယ်။ ချစ်သူတစ်ယောက် လိုပါပဲ။ နေ့တိုင်းသူ့ကိုမှ မထိတွေ့ရရင် ရင်ထဲမှာဟာနေသလို။ ကျနော် တက္ကသိုလ်တက်တဲ့ အချိန်ထိ Internet, Email၊ Globalization ဆိုတဲ့ ဝေါဟာရတွေက သိပ်ကိုခေါတ်စားပြီး နာမည်ကြီးစကားလုံး တွေပါ။ သို့လော၊ သို့လောနဲ့ ဆိုလိုရင်းကို သိပ်မရှင်းခဲ့ဘူး။ ဆယ်တန်းမအောင်ခင် ကာလတုန်းကလည်း သိပ်ကိုနာမည်ကြီးတဲ့ ဝေါဟာရရှိခဲ့ဖူးသေးတယ်။ ကွန်ပြူတာတဲ့။ ပြန်တွေးပြီး ပြုံးမိတယ်။ တစ်ကျောင်းလုံးအတွက် ကွန်ပြူတာ နှစ်လုံးလောက်ကို တစ်ခမ်းတစ်နား ဖဲကြိုးဖြတ်ပြီး ဖွင့်ပွဲတွေ လုပ်ကြတယ်။ အဲဒီတုန်းက အတန်းထဲက ကောင်မလေးက ပြောတာမှတ်မိသေးတယ်။ ကွန်ပြူတာခန်းဖွင့်ပွဲ မှာဗန်းကိုင်ရမှာဆိုတော့ အဆင့်မြင့်တယ်တဲ့လေ။ ပြီးတော့ ဆရာမကမှာ လိုက်သေးတယ်။ မနက်ဖြန် ကွန်ပြူတာခန်းဝင်ဖို့ အ၀တ်အစားသန့်သန့်ပျံ့ပျံ့ ၀တ်လာကြတဲ့။ ကီးဘုတ်ကလေးကို လက်ကလေးနဲ့ တို့ထိရမှာတောင် ရင်တွေခုန်ခဲ့ လိုက်ရတာ။ အဲဒီတုန်းက ကွန်ပြူတာဆိုတာ မတော်တစ်ဆမှားနှိပ် မိလိုက်ရင် ဗုံးလိုပဲပေါက်ကွဲ တတ်သလိုလို။ အလုံပိတ် မှန်ခန်းမကြီး ထဲက လေးထောင့်တုံး ကွန်ပြူတာကို ချောင်းကြည့်ခဲ့ရတာလည်း ခဏခဏပါပဲ။
အင်တာနက်ဆိုတာ မသိခင်ကတည်းက တစ်သက်လုံး နေလာခဲ့ကြတာ ပြည့်စုံပါရဲ့။ ခုများ တစ်ရက်လောက် အင်တာနက်လေး မသုံးလိုက်ရရင် ကိုယ်တွေပူလာသလို၊ အဖျားပဲတက်လာသယောင် ခံစားနေကြရတယ်။ Gmail လေးစသုံးတတ်စက အရမ်းကိုခေါတ်မှီ သွားပြီလို့ ထင်ခဲ့မိတယ်။ Gtalk လေးပြော နေရရင်လည်း ဟင်မကောင်းပဲနဲ့တောင် ထမင်းမြိန်တယ်။ အရင်တုန်းကတော့ သူငယ်ချင်းတွေ အစိမ်းရောင်မီးလေး လက်ခနဲတွေ့တာနဲ့ လက်ကွက်တွေ သွက်လိုက်ကြတာ။ တစ်ရက်ကနေ တစ်လ၊ တစ်လကနေ တစ်နှစ် စကားလုံးတွေ ကိုစာလုံးပေါင်းပြီး ပြောနေလိုက်ကြတာ။ တစ်ယောက်နဲ့ တစ်ယောက် အပြင်မှာ မတွေ့ဖူးကြတာ ဘယ်လောက်ကြာပြီ မမှတ်မိကြတော့။ ဘယ်အချိန်ကာလ အထိ မမြင်ဖူးကြ တော့မလဲ ဆိုတာလည်း မတွေးမိကြတော့။ စကားလုံးချင်း ရင်းနှီးနေကြ ပေမယ့် ကျနော်တို့ နှလုံးသားချင်း တစ်ဖြည်းဖြည်းဝေး လာကြတယ်။ တစ်ဖြည်းဖြည်းနဲ့ ရင်းနှီးပါတယ်ဆိုတဲ့ သူငယ်ချင်းတွေ ကြားမှာ လက်ကွက်တွေ နှေးလာခဲ့တယ်။ စကားလုံးတွေ ဆိတ်သုဉ်းလာကြတယ်။ ရှားပါးလာကြတယ်။ ရံဖန်ရံခါ မိုးလင်းရင် ရေးမိတာက
“ Good Morning….” တစ်လုံးတည်း။ ဆက်ပြီးဘာမှ မပြောဖြစ်ကြတော့။ အရင်ကထက် ကျနော်တို့မှာ ကိုယ်စီ၊ ကိုယ်စီကမ္ဘာပတ် စရာတွေများ လာတာလည်း တစ်ခုအပါအ၀င်ပဲ။ ဒါကိုပဲ Globalization လို့ဆိုရမလား။ တစ်ချို့ဆို သူငယ်ချင်းတွေကို မေ့ထားပြီး Face book မှာလယ်စိုက် နေကြတာလည်း ဒုနဲ့ဒေး။ တစ်ချို့များ ကြပြန်တော့ သူငယ်ချင်း Profile ထဲသာကြောင်း၊ မာကြောင်းတွေ နောက်ထား
“ Help me “ ဆိုတဲ့ Links လေးချန်သွား ကြသေးတယ်။ တစ်ချို့ပုဂ္ဂိုလ်တွေ အတွက်တော့ ၀ါသနာပါရာ ဘလော့ပေါင်းစုံကို New page ကနေဟောတစ်ခု၊ ဟောတစ်ခု စိတ်ကြိုက်လည် ကြပေါ့။ အလုပ်ချိန်မှာဆို အလုပ်ဖိုင်က တစ်ခုတည်းလောက်ပါ။ တစ်ခြား Minimize Files တွေကတော့ အောက်ကဘားတန်း သေးသေးလေးထဲ အစီအရီပဲ။
ခုချိန်မှာတော့ ဒီအချက်ပြမီးရောင် လေးတွေဟာ ကျနော်တို့ကို အမှန်တစ်ကယ် ရင်းနှီးစေခဲ့ တာလား၊ ရင်းနှီးချင်ယောင်ဆောင် နေခဲ့တာလားဆိုတာ ဝေေ၀၀ါးဝါး ဖြစ်လာတယ်။ အရင်တုန်းကလို လက်ဘက်ရည်ဆိုင် အတူတူ ထိုင်ချင်တယ်။ စိတ်လိုလက်ရ တစ်ယောက်နဲ့ တစ်ယောက်ရိုက်လား၊ ပုတ်လား စကားလုံးတွေကို တိုက်ရိုက်ပြောချင်တယ်။ ဘောလုံးပွဲတွေ အကြောင်းကို ၀ါးလုံးကွဲအောင် ငြင်းချင်သေးတယ်။ ကောင်မလေးတွေ အကြောင်း၊ စာပေရေးရာနဲ့ အလာပသလာပ တွေပြော ခဲ့တဲ့ အချိန်တွေကို မက်မောနေသေးတယ်။ အရင်က ကျနော်တို့မှာ ပိုက်ဆံတွေ မလောက်ငှလည်း စိတ်မညစ်ကြဘူး။ လက်ဖက်ရည်တစ်ခွက်လည်း အတူသောက်နိုင်တယ်။ ဂျာနယ်တစ်စောင် ထဲလည်းအတူ ဖတ်နိုင်တယ်။ ဆေးလိပ်တစ်ဗူးကို ၀ိုင်းခဲပြီး အကြမ်းရည်နဲ့ လည်းအလုပ်ဖြစ်တယ်။ ငွေမလောက်လည်း ဘီယာကိုမျှ သောက်နိုင်ကြတယ်။ အဲဒီအချိန်တုန်းက ကျနော်တို့ ရင်ဘတ်ချင်းဖလှယ်ကြတယ်။ စိတ်ကူးချင်း ညှိယူခဲ့ကြတယ်။ ခံစားချက်တွေကလည်း ဆင်တူရိုးမှားပဲ။
ခုဒီမီးလုံးလေးတွေကြောင့် ကျနော်တို့ရင်ဘတ်ချင်း ဆက်သွယ်မှုဧရိယာ ပြင်ပကို တွန်းပို့ခံကြရတယ်။ အရင်တုန်းကထက် ငွေကြေးတွေ ပြည့်စုံလာခဲ့ပေမယ့် ပျော်ရွှင်မှုတွေ ခမ်းခြောက်လာတယ်။ လက်ကိုင်ဖုန်း အကောင်းစားတွေ ကိုယ်စီရှီနေကြပေမယ့် နံပါတ်တွေက အေးခဲနေကြတယ်။ သက်ရှိ သူငယ်ချင်းတွေက သက်မဲ့မီးလုံးလေး တွေအဖြစ်နေရာ ယူလာကြတယ်။ မီးအစိမ်းရောင် လေးတွေကပဲ နှလုံးသားတွေကို စိမ်းစေခဲ့တာလား။ အပြင်မှာ တစ်နေ့နေ့ ပြန်တွေ့ကြရင် ပြုံးပြနှုတ်ဆက်ရုံ ပဲလား။ အရင်ကလို ဖက်လည်း တစ်ကင်း ရှိနိုင်ဦးမှာလား။ တစ်ယောက်နဲ့ တစ်ယောက်မီးနီ မပြဖို့က အရေးကြီးဆုံးပါ။
ဘာပဲဖြစ်ဖြစ်ပါ။ ကျနော်တို့ရဲ့ နေ့စဉ်နိစ္စဓူဝ တွေကြားမှာ ဒီအချက်ပြ မီးလုံးလေးတွေ လင်းနေဖို့လည်း ဆက်လက်လိုအပ် နေဆဲမလား။
ဖန်နေ၀န်း
